1. Зварот у гаспадарчы суд адпаведна Гаспадарчаму працэсуальнаму кодэксу Рэспублікі Беларусь (далей – ГПК) ажыццяўляецца ў форме:

       • іскавай заявы – па гаспадарчых (эканамічных) спрэчках і іншых пытаннях, якія ўзнікаюць з грамадзянскіх праваадносін; 
        • заявы – па спрэчках, якія ўзнікаюць з адміністрацыйных і іншых публічных праваадносін, а таксама па справах аб эканамічнай неплацежаздольнасці (банкруцтве); аб устанаўленні фактаў, якія маюць юрыдычнае значэнне (юрыдычных фактаў); аб прызнанні несапраўднай пастановы; аб пераглядзе справы па акалічнасцях, якія нядаўна сталі вядомымі; аб узбуджэнні выканаўчага разгляду; аб выдачы судовага загада на прымусовае выкананне рашэння трацейскага суда; аб прызнанні і прывядзенні ў выкананне рашэнняў судоў замежных дзяржаў, прынятых імі па спрэчках і іншых справах, звязаных з ажыццяўленнем прадпрымальніцкай і іншай гаспадарчай (эканамічнай) дзейнасці (далей – рашэнне замежнага суда), і рашэнняў замежных міжнародных арбітражных (трацейскіх) судоў, прынятых імі на тэрыторыях замежных дзяржаў па спрэчках і іншых справах, звязаных з ажыццяўленнем прадпрымальніцкай і іншай гаспадарчай (эканамічнай) дзейнасці (далей – замежнае арбітражнае рашэнне); скаргі на натарыяльныя дзянні або адмова ў іх выкананні; 
        • скаргі (апеляцыйнай, касацыйнай, у парадку нагляду і інш.) – у выпадках, прадугледжаных гэтым Кодэксам і іншымі заканадаўчымі актамі; 
        • пратэсту – у выпадках, прадугледжаных гэтым Кодэксам і іншымі заканадаўчымі актамі; 
       • хадайніцтва (аб уступленні ў справу ў якасці трэціх асоб; аб забеспячэнні іску; аб скасаванні пастановы аб накладанні судовага штрафу; аб выкананні іншых працэсуальных дзеянняў і інш.) – у выпадках, прадугледжаных гэтым Кодэксам; 
       • прадстаўленні аб пераглядзе справы па акалічнасцях, якія нядаўна сталі вядомымі; 
       • у іншых формах, прадугледжаных заканадаўчымі актамі. 

       У адпаведнасці з патрабаваннямі «Інструкцыі па афармленні дакументаў з выкарыстаннем камп’ютарных тэхналогій у рэспубліканскіх органах дзяржаўнага кіравання і іншых дзяржаўных арганізацыях, падначаленых ураду Рэспублікі Беларусь», зацверджанай Пастановай Камітэта па архівах і справаводстве пры Савеце Міністраў Рэспублікі Беларусь ад 24.07.2003 № 27, рэкамендуецца друкаванне і афармленне вышэйназваных дакументаў ажыццяўляць шрыфтам Times New Roman (Times New Roman Cyr), звычайны, размер 15 пунктаў.
 
       2. Справы ў гаспадарчым судзе першай інстанцыі разглядаюцца ў залежнасці ад катэгорый:

       у парадку іскавага разгляду;

       у парадку адміністрацыйнага разгляду;

       у парадку загаднага разгляду;

       у парадку разгляду па справах аб прызнанні і прывядзенні ў выкананне рашэнняў замежных судоў і замежных арбітражных рашэнняў 

       3. Пры звароце ў гаспадарчы суд першай інстанцыі павінны быць улічаны ўстаноўленыя ГПК:

       правілы падведамаснасці і падсуднасці; 

       патрабаванні, якія прад’яўляюцца да формы і зместу іскавых заяў.